ДУОИ МОДАР

Ба ҳар ранге, ки бошад номи ту, фарзанди ман бошӣ,

Сафои дарди ин халқи ба ҷон пайванди ман бошӣ.

Аниси модарон гаштиву ёри ҷумла ранҷурон,

Биҳилат шири покам мекунам, дилбанди ман бошӣ.

Туро бо шираи ҷонам бипарвардам, аё эй нахл,

Кунун фахрам аз он, к-аз решаву пайванди ман бошӣ.

Намудам пок коматро ба он чилбанди гесуям,

Ту андар саргаҳи меҳри дилам ованди ман бошӣ.

Ватан аз ҳиммати мардонаат машҳури олам шуд,

Ба он туғёни дарёҷӯшӣ худ арванди ман бошӣ.

Шоҳона