ТАОМИ ГӮШТИ МУРҒӢ

Гӯшти мурғро ним соат ба намакоб мегузоранд. Баъд гӯштро аз устухон ҷудо мекунанд ва бо болғачаи махсус зада лат медиҳанд. Почаҳои мурғ ва гӯшти латзадаро ба 4 ҳисса ҷудо карда, намаку зира мепошанд. Аз зардии тухм, намак, 1 чумчаи калон орд ва шир маҳлул тайёр намуда, гӯштпораҳоро ба он меандозанд. Сафедии тухмро то шакли пуфакчаи сахт шуданаш лат медиҳанд. Гӯшт пораҳоро ба ин омехта мекунанд. Помидорро аз турбтарошак гузаронида ба салати хоми аҷик-чучук илова мекунанд. Ба он қаймоқ, афшураи памидор, укропи резакарда, сирпиёз, намаку зиравориҳо меандозанд. Барои таъми гӯштро боз ҳам болаззаттар кардан ба он хӯриши аз  «Ролтон»  тайёр намуда меандозанд. Гӯшти мурғро дар равған каме зирбонда, бо соус-қайла олонда, ним соат ба ҷои салқин мегузоранд. Картошкаро дар шакли чоркунҷа бурида дар равғани маска мепазанд. Ба дег каме равған рехта аввал картошка, сипас гӯшти мурғро ҷойгир менамоянд. Аз болояш қаймоқи боқимонда рехта дар алови паст 30-35 дақиқа мепазанд.

Бо иштиҳои том!

Сараева Ф.