Конфронси гендерӣ

Аз маърӯзаи Сумангул Тағоева, Раиси кумитаи кор бо занон маълум гардид, ки 24,7%-и мансабдорони давлатиро занон ташкил медодааст. Аз ҷумла, дар дастгоҳи иҷроияи Президент 3 нафар зан мушовир, 4 нафар роҳбари бахшҳои тартибӣ, 5 нафар раиси ноҳия, 2 нафар муовинони аввали раис ва дар ҳама шаҳру ноҳияҳои ҷумҳурӣ занон ба ҳайси муовини раис фаъолият менамояд. 5 нафар узви Маҷлиси миллӣ ва 12 нафар вакили Маҷлиси намояндагон интихоб гардида, шумораи вакилони маҷлисҳои маҳаллӣ дар шаҳру ноҳияҳо аз ҳисоби занон бошад, 517 нафар мебошад. Ҳозирин аз масъалаи муҳоҷирати рӯзафзуни меҳнатии занон изҳори нигаронӣ намуданд.