Ҷаҳон бидуни маводи мухаддир

Аксияи мазкурро бо сухани муқаддимавӣ намояндаи Дастгоҳи иҷрояи Президенти Ҷумҳурии Тоҷикистон Сулҳиддин Нидоев ҳусни оғоз бахшида, дар робита ба вазъи нашъамандӣ дар ҷумҳурӣ ба шаҳрвандони пойтахт маълумоти фишурда ва шунидание дод.

Дар ҷараёни ин иқдоми наҷиб варзишгарон, донишҷӯёни Донишгоҳи давлатии тибии ҷумҳурӣ, ҳунармандон, созмонҳои байналмилалӣ ва ташкилотҳои ҷамъиятӣ шаркати фаъол доштанд.

Дар рафти иқдом дар бораи пайдоиш ва оқибатҳои нашъамандӣ викторина сурат гирфт, ки дар он шаҳрвандони пойтахт фаъолона ширкат варзида, ғолибон бо тӯҳфаҳо қадрдонӣ шуданд.

Ҳамчунин дар ҷараёни ин чорабинӣ ба ғолибони озмуни ҷумҳуриявӣ оид ба пешгирии нашъамандӣ ва оқибатҳои он, ки аз ҷониби МММПН ВТ ҶТ аз тариқи радио эълон шуда буд, ҷоизаҳо супурда шуданд.

Бояд ёдовар шуд, ки бо қарори Асамблеяи Генералии Созмони Милали Муттаҳид  соли 1987 26 июн - рӯзи ҷаҳонии мубориза лайҳи нашъамандӣ эълон гардида буд.